अमळनेर : वेब मिडिया असोसिएशनच्या पदाधिकाऱ्यांची बैठक असोसिएशनचे संस्थापक अध्यक्ष अनिलजी महाजन व सचिव गणेश पुजारी यांच्या अध्यक्षतेखाली नुकतीच मुंबई येथे नुकतीच पार पडली. त्यात त्यांनी राज्यातील, जिल्हा, तालुका व वेब पोर्टलच्या संपादकांची सन २०२३ ची कार्यकारणी घोषित केली. त्यावेळी मराठी लाईव्ह न्युजचे मुख्य संपादक ईश्वर रामदास महाजन यांची अमळनेर तालुकाध्यक्षपदी नियुक्ती करण्यात आली.
ईश्वर महाजन हे गेल्या वीस वर्षापासून पत्रकारिता क्षेत्रात कार्यरत आहेत. महाराष्ट्र पत्रकार संघाच्या माध्यमातून त्यांनी विविध उपक्रम राबविले आहेत. महाराष्ट्र पत्रकार संघाचे राज्य अध्यक्ष विलासराव कोळेकर, राज्यसंपर्क प्रमुख बाबासाहेब राशिनकर, व विविध क्षेत्रातील मान्यवर यांनी त्यांचे अभिनंदन केले आहे. लवकरच अमळनेर तालुका वेब पोर्टलची तालुका कार्यकारणी तालुकाध्यक्ष ईश्वर महाजन घोषित करणार आहेत. ज्यांना वेब पोर्टल अमळनेर तालुका कार्यकारणीत सहभागी व्हावयाचे असेल त्यांनी संपर्क साधावा असे आवाहन त्यांनी केले आहे.