पर्यावरण प्रेमी नागरिकांनी याचा लाभ घेण्याचे आवाहन
अमळनेर : येथील राजमुद्रा फाऊंडेशनच्या वतीने ढेकू रोड – पिंपळे रोड परिसरातील घरगुती गणेश विसर्जनासाठी फोर्ट्स येथे कृत्रिम तलाव व गणेशमुर्ती संकलनाची व्यवस्था करण्यात आलेली आहे. दर वर्षी गणेशोत्सवाच्या काळात गणेशमुर्तींचे विसर्जन नद्या, नाले, तलाव ह्या ठिकाणी आपण करीत असतो. साहजिकच आपल्या हातून त्या निमित्ताने मोठ्या प्रमाणात निसर्गहानी होऊन प्रदूषण होत असते. प्रदुषण विरहीत वातावरण असावे हा उद्देश ठेवून राजमुद्रा फाऊंडेशनने माजी आमदार कृषीभूषण साहेबराव पाटील व नगराध्यक्षा सौ.पुष्पलता पाटील यांचे मार्गदर्शनाने यावर पर्यायी व्यवस्था करत निसर्ग संवर्धनाच्या या विधायक उपक्रमाचे आयोजन केले आहे. तरी जास्तीत जास्त पर्यावरण प्रेमी नागरिकांनी याचा लाभ घ्यावा असे आवाहन फाऊंडेशनचे अध्यक्ष, नगरसेवक तथा संभाजी ब्रिगेडचे जिल्हाध्यक्ष श्याम पाटील यांनी केले आहे..
