अमळनेर : सालाबादाप्रमाणे तालुक्यातील मुडी येथे काल वसुबारस निमित्त गौमाता यात्रा भरविण्यात आली होती त्या निमित्ताने नवनिर्वाचित आमदार अनिल भाईदास पाटील यांची जिलेबी तुला करण्यात आली. गावातील नागरिकांनी विधानसभा निवडणूकीत भूमीपुत्रास निवडून आणण्याचा संकल्प केला होता. तो संकल्प पूर्ण झाल्याने गावातील तरुण वर्गात मोठ्या प्रमाणात आनंदाचे वातावरण आहे. नवनिर्वाचित आमदार अनिलदादांनी प्रथम गौमातेचे दर्शन घेतले. त्यानंतर गावातील तरुणांनी आमदार अनिलदादा यांची जिलेबी तुला करुन ही सर्व जिलेबी गावकऱ्यांना वाटप करण्यात आली. ग्रामस्थांनी केलेल्या यथोचित सत्काराबद्दल आमदार अनिल पाटील यांनी ग्रामस्थांचे आभार मानले.
यावेळी अमळनेर तालुका राष्ट्रवादी युवक अध्यक्ष गौरव पाटील, गुणवंत पाटील, महेंद्र पाटील, राजेंद्र पाटील, एच.एल. आण्णा, राजेंद्र वानखेडे, अरविंद पाटील, तुषार पाटील, विजय जैन, देविदास पाटील, रावसाहेब पाटील, प्रफुल्ल वानखेडे, केतन पाटील, विकास पाटील, प्रदीप पाटील, विकास भिल, सागर पाटील, गजू महाराज, जिभाऊ पाटील, पंढरीनाथ पाटील, आप्पा महाजन, संजीव पाटील यांचेसह कार्यकर्ते व नागरिक उपस्थित होते.