धरणगाव : येथील बालकवी ठोंबरे व सारजाबाई दामोदर कुडे विद्यालयाचे क्रीडा शिक्षक तथा तालुका क्रीडा समन्वयक सचिन सूर्यवंशी यांचा मुलगा संकेत सूर्यवंशी हा आज दि.१८ रोजी उच्च शिक्षणासाठी जर्मनी येथे रवाना झाला. यानिमित्त मित्र परिवाराच्या वतीने संकेत व त्याचे वडील सचिन सूर्यवंशी यांचा यथोचित सन्मान करुन संकेत ला उच्च शिक्षणासाठी शुभेच्छा दिल्या आहेत.
जर्मनी येथील बवेरिया राज्यातील नामांकित महाविद्यालयातून ‘मास्टर ऑफ ऑपरेशन ऑफ एक्सलन्स’ या पदवीसाठी तो अध्ययन करणार आहे. आपल्या यशात आई, वडील व शिक्षकांचे मोलाचे मार्गदर्शन मिळाले असल्याची भावना संकेतने व्यक्त केली. यावेळी समस्त पाटील पंच मंडळाचे अध्यक्ष भिमराज पाटील विकल्प ऑर्गनायझेशनचे अध्यक्ष प्राध्यापक रवींद्र मराठे, कार्याध्यक्ष लक्ष्मण पाटील, त्रिमूर्ती इंजिनिअरिंग कॉलेज जळगाव चे अरविंद शिंदे, गुड शेफर्ड स्कूल चे अमोल सोनार आदी उपस्थित होते. दिव्यचक्र परिवारातर्फे हार्दिक अभिनंदन व शुभेच्छा !
