अमळनेेर : येथील साने गुरुजी फाऊंडेशन, कैलास सत्यार्थी चिल्ड्रन्स फाऊंडेशन नवी दिल्ली, खान्देश विकास प्रतिष्ठान व महिला बाल विकास विभाग जळगाव यांच्या संयुक्त विद्यमाने अमळनेर तालुक्यात २५ अंगणवाडी व १० प्राथमिक शाळांमध्ये संविधान दिवस साजरा करण्यात आला. कार्यक्रमाच्या सुरुवातीस संविधानाचे शिल्पकार डॉ.बाबासाहेब आंबेडकर व सावित्रीबाई फुले यांच्या प्रतिमेचे पूजन करण्यात आले.
भारतीयांना मिळालेला अमुल्य ठेवा म्हणजे संविधान होय. या प्रसंगी साने गुरुजी फाऊंडेशन संस्थेचे अध्यक्ष नरेंद्र पाटील व जळगाव येथील महिला व बालविकास अधिकारी विजय सिंग परदेशी यांनी संविधानाबाबत माहिती देत संविधान दिनाचे महत्त्व सांगितले. यासोबतच श्री परदेशी यांनी महिला व बालविकास योजनांसंबंधी माहिती दिली. जगदीश पाटील यांनी संविधानाचे वाचन केले. याप्रसंगी अंगणवाडीच्या पर्यवेक्षिका सोनवणे मॅडम यांचेसह अंगणवाडी सेविका, सामाजिक कार्यकर्ते पवन साळुंखे, जयेश माळी, शरद पाटील आदी उपस्थित होते.