अमळनेेर : मराठी पत्रकारितेचे जनक आद्य पत्रकार बाळशास्त्री जांभेकर यांच्या जयंतीनिमित्त आज दिनांक ६ जानेवारी रोजी अमळनेर शहर व तालुका पत्रकार संघटनेच्या वतीने ‘पत्रकार दिन’ कार्यक्रमाचे आयोजन करण्यात आले आहे. अमळनेर शहरातील अन्नपूर्णा मंगल कार्यालयाशेजारील पत्रकार संघाच्या नियोजित जागेत सकाळी १०.३० वाजता आचार्य बाळशास्त्री जांभेकर यांच्या प्रतिमेचे पूजन करुन कार्यक्रमास सुरुवात होणार आहे. दरम्यानच्या काळात शहर व तालुक्यातील मान्यवरांच्या भेटी व दुपारी १२.३० वाजता स्नेह भोजनाचे आयोजन करण्यात आले आहे. सर्व पत्रकार बंधु भगिनी यांनी कार्यक्रमास उपस्थित राहावे असे आवाहन अमळनेर शहर व तालुका पत्रकार संघटनेचे अध्यक्ष चेतन राजपूत व सचिव चंद्रकांत पाटील यांनी केले आहे.
