अमळनेर : सालाबादाप्रमाणे आज बलिप्रतिपदेला येथील सप्तशृंगी कॉलनी येथे जय अंबे मित्रमंडळ, तरुण कुढापा मित्रमंडळ, मराठा सेवा संघ, संभाजी ब्रिगेड, जिजाऊ ब्रिगेड तर्फे सम्राट बळीराजा लोकोत्सव साजरा करण्यात आला. कार्यक्रमात प्रथम आमदार अनिल भाईदास पाटील यांच्या हस्ते छत्रपती शिवाजी महाराज व बळीराजा प्रतिमेचे पूजन करण्यात आले. त्यानंतर शिवमती वसुंधरा लांडगे, शिवमती पूनम ठाकरे, शिवमती शशिकला पाटील, शिवमती जयश्री पाटील यांच्या हस्ते जिजाऊ पूजन करण्यात आले. शहरातील सर्व जाती धर्मातील लोक एकत्र येऊन बळीचे राज्य निर्माण करण्यासाठी ‘ईडा पिडा जावो.. बळीचे राज्य येवो’ अशी हाक यानिमित्ताने देण्यात आली.
सजविलेल्या बैलगाडी वर बळीराजा प्रतिमा व नांगर ठेवण्यात आले होते. लहानग्यांनी छत्रपती शिवाजी महाराज व जिजाऊ पात्र भुमिका साकारत सहभाग नोंदविला. आमदार अनिल पाटील यांच्या हस्ते सम्राट बळीराजा प्रतिमेचे व नांगर पूजनदेखील करण्यात आले. त्यानंतर बळीराजा प्रतिमेची सवाद्य मिरवणूक काढण्यात आली. ही मिरवणूक सप्तशृंगी कॉलनी, बस स्टॅण्ड, विश्रामगृह रस्त्यावरुन बळीराजा स्मारकावर आल्यानंतर तेथे सांगता करण्यात आली. यावेळी विनोद कदम, पांडुरंग महाजन, कैलास पाटील, दिलीप पाटील, संजय पाटील, विक्रांत पाटील, श्याम पाटील, सयाजीराव पाटील, सचिन खंडारे, विलास पाटील, लिलाधर पाटील, रामेश्वर भदाणे, अशोक पाटील, प्रा.अशोक पवार, रणजित शिंदे, संजय कुंभार, आबा चौधरी, बापूराव ठाकरे, अनंतकुमार सूर्यवंशी, नरेंद्र अहिरराव, प्रेमराज पवार, कुणाल पवार, देसले सर, आण्णा शेटे, शिवा पाटील, नवल पाटील, रवि महाजन, मधूभाऊ, गुलाब पाटील, दत्तु पाटील, कुन्दन पाटील, बाळु पाटील, युवराज डॉक्टर, सोनु पाटील, एस. एम. पाटील, बापु मिस्तरी, शहरातील सर्व जाती धर्मातील लोक आदी उपस्थित होते. सम्राट बळीराजा लोकोत्सव साजरा करण्यासाठी जय अंबे मित्रमंडळ, तरुण कुढापा मित्रमंडळ, मराठा सेवा संघ, संभाजी ब्रिगेड, जिजाऊ ब्रिगेड चे कार्यकर्ते यांनी परिश्रम घेतले.