अमळनेर : ६ जानेवारी रोजी पत्रकार दिनी येथील छत्रपती शिवाजी महाराज नाट्यगृहात सायंकाळी ६.३० ते रात्री १०.०० या वेळेत हास्य कविसंमेलनाचे आयोजन करण्यात आले आहे. खबरीलाल न्यूज पोर्टल च्या तिसऱ्या वर्धापनदिनानिमित्त दि.२ ते १० जानेवारी या काळात कार्यक्रमांचे आयोजन करण्यात आले आहे. यावेळी उपस्थित मान्यवरांच्या हस्ते आद्य पत्रकार बाळशास्त्री जांभेकर यांच्या प्रतिमेचे पूजन करून अभिवादन करण्यात येईल.
या हास्य कविसंमेलनात प्रसिद्ध टि.व्ही कलाकार गजलवर प्रभूत्व असलेल्या जीनत एहसान कुरैशी, अमळनेरचे भुमीपुत्र टि.व्ही, चित्रपट अभिनेता विलासकुमार शिरसाठ, राष्ट्रपतींच्या हस्ते व्यंग पुरस्काराने सन्मानित राधेश्याम अग्रवाल, हिंदी व उर्दू कवी सुंदर मालेगावी, दुबई – कोयला येथे हास्य कवी कार्यक्रमात सहभाग असलेले मुजावर मालेगावी, उर्दू आणि हिंदी हास्य कविसंमेलनात कविता सादर करणारे सुंदर मालेगावी, नेपाळ, महाराष्ट्र व गुजरातमधील ऑल इंडिया कविसंमेलनात सहभागी मोहम्मद कलिम, हिंदी, उर्दू, मराठी, इंग्रजी वर प्रभुत्व असलेले मोहम्मद इब्राहीम या प्रसिद्ध हास्य कविंचा सहभाग असणार आहे. यात मराठी, अहिराणी, हिंदी, उर्दू भाषेतून व्यंग, विडंबनातून हास्याचे कारंजे उडणार आहेत. सर्व रसिक प्रेक्षकांनी कार्यक्रमाचा लाभ घ्यावा असे आवाहन आयोजकांतर्फे करण्यात आले आहे.