अमळनेर : प्रसिद्ध उद्योगपती पद्मभूषण रतन टाटा यांचे वयाच्या ८६ व्या वर्षी मुंबई येथे दुःखद निधन झाले. भारतीय उद्योग क्षेत्रात गेल्या १४४ वर्षांपासून टाटा समूह कार्यरत आहे, दानशूरपणा व माणुसकी केंद्र स्थानी ठेऊन सामाजिक बांधिलकी जपणारे रतन टाटा यांच्या निधनामुळे येथील खानदेश शिक्षण मंडळ संचलित प्रताप कॉलेज(स्वायत्त),याठिकाणी महाविद्यालयाच्या स्टाफ व विद्यार्थ्यांनी दुःख व्यक्त केले. सर्वांनी सामूहिक श्रद्धांजली अर्पण केली. यावेळी प्रा. डॉ. विजय तुंटे यांनी रतन टाटा यांच्या कार्यावर प्रकाश टाकला, या प्रसंगी खा.शिक्षण मंडळाचे सहसचिव डॉ. धिरज वैष्णव, उप प्राचार्या डॉ. कल्पना पाटील यांच्यासह प्राध्यापक, कर्मचारी व विद्यार्थी मोठ्या संख्येने उपस्थित होते.