‘मराठी लाईव्ह न्युज’ च्या पाचव्या वर्धापनदिनी दि. ६ नोव्हेंबर रोजी ‘कर्तृत्व गौरव पुरस्कार २०२४’ चे होणार वितरण
अमळनेर : येथील वेब पोर्टल “मराठी लाईव्ह न्युज” च्या पाचव्या वर्धापन दिनाचे औचित्य साधून बुधवार, दिनांक ६ नोव्हेंबर २०२४ रोजी सकाळी १० वाजता जुना टाऊन हॉल येथे ‘कर्तृत्व गौरव पुरस्कार २०२४’ चे आयोजन करण्यात आले आहे. अल्पावधीतच राज्यातील वाचक आणि जाहिरातदार यांचे आवडते वेब पोर्टल म्हणून “मराठी लाईव्ह न्युज” ने आपले वर्चस्व सिद्ध केले आहे. या विशेष कार्यक्रमात विविध क्षेत्रात उल्लेखनीय कार्य करणाऱ्या १० पुरस्कारार्थींना प्रमुख मान्यवरांच्या शुभहस्ते सन्मानपत्र, शाल, स्मृतिचिन्ह आणि गुलाबपुष्प देऊन गौरविण्यात येणार आहे.
कार्यक्रमाचे अध्यक्षस्थानी व्हाईस ऑफ मीडिया महाराष्ट्र राज्याचे प्रदेश सरचिटणीस तथा ज्येष्ठ पत्रकार डॉ. डिगंबर महाले असतील. प्रमुख पाहुणे म्हणून आदिवासी विकास महामंडळ नाशिकचे उपायुक्त कपिलजी पवार, सेवानिवृत्त डीवायएसपी सुनील नंदवाळकर, नोबेल फाउंडेशन जळगावचे अध्यक्ष डॉ. जयदीप पाटील, देवगाव देवळी हायस्कूलचे अध्यक्ष विलासराव पाटील, ज्येष्ठ साहित्यिक प्रा. वा. ना. आंधळे, सेवानिवृत्त उपप्राचार्य प्रा. डॉ. एस. ओ. माळी, आणि मराठी वाड्मय मंडळाचे उपाध्यक्ष श्यामकांत भदाणे यांची विशेष उपस्थिती लाभणार आहे.
“कर्तृत्व गौरव पुरस्कार २०२४” चे मानकरी असे..
- श्री मंगळ ग्रह सेवा संस्था, अमळनेर (अध्यात्मिक),
- विजय पाटील, स्वादिष्ट नमकीन, अमळनेर (युवा उद्योजक)
- प्रा. सुभाष सुकलाल पाटील, शिरूड, ता. अमळनेर (कृषी)
- डॉ. प्रशांत दिलीपराव शिंदे, साई हॉस्पिटल, अमळनेर (वैद्यकीय)
- सौ. सुषमा वासुदेव देसले, मा. लोकनियुक्त सरपंच, दहिवद, ता. अमळनेर (सामाजिक व राजकीय)
- शरद तुकाराम धनगर, करणखेडा, ता. अमळनेर (साहित्य)
- आर.आर. सोनवणे, बेटावद, ता. शिंदखेडा, सेवानिवृत्त क्रीडा व विज्ञान शिक्षक (शैक्षणिक)
- सुनिल प्रभाकर वाघ, जी. एस. हायस्कूल, अमळनेर (क्रीडा)
- सौ. छाया संदीप पाटील, पोलीस पाटील पष्टाने, ता. धरणगाव (सामाजिक)
- सागर सुखदेव कोळी, पाडळसे, ता. अमळनेर (युवा प्रेरणा)
कार्यक्रमास सर्व पुरस्कार प्राप्त बंधू भगिनी व मराठी लाईव्ह न्युज वर प्रेम करणाऱ्या जनतेने सहपरिवार उपस्थित राहण्याचे आवाहन “मराठी लाईव्ह न्युज”चे मुख्य संपादक ईश्वर महाजन यांनी केले आहे. कार्यक्रमासाठी पूज्य साने गुरुजी ग्रंथालय व मोफत वाचनालयाचे अध्यक्ष, संचालक मंडळ व कर्मचारी तसेच साने गुरुजी स्पर्धा परीक्षा केंद्र, अमळनेर चे संचालक सहकार्य करीत आहेत.
