बलिप्रतिपदेनिमित्त बळीराजा लोकोत्सव समितीचा उपक्रम
अमळनेर : येथील बळीराजा लोकोत्सव समितीच्या वतीने बलिप्रतिपदेनिमित्त सालाबादा प्रमाणे महात्मा बळीराजाची व सजवलेल्या नांगराची बैलगाडीवरून सवाद्य मिरवणूक अमळनेर शहरातून काढण्यात आली. अमळनेर येथील शिरूड नाका परिसरातील जय अंबे तरुण कुढापा मित्र मंडळ चौकात महात्मा बळीराजा, छत्रपती शिवाजी महाराज, राजमाता जिजाऊ व महापुरुषांच्या प्रतिमेचे पूजन मान्यवरांच्या हस्ते करण्यात आले. सजविलेल्या बैलगाडीवर लाकडी नांगर आणि महात्मा बळीराजाची भव्य प्रतिमा ठेवलेली होती. माजी जि. प. सदस्या जयश्री पाटील, कृषी उत्पन्न बाजार समिती सभापती अशोक आधार पाटील यांचे हस्ते राष्ट्रमाता जिजाऊ व छत्रपती शिवाजी महाराज यांच्या प्रतिमांचे पूजन करण्यात आले. शेतकरी व कृषी संस्कृतीचे प्रतीक असलेल्या नांगराची पूजा कृ उ बा संचालक प्रा सुभाष पाटील यांच्या हस्ते करण्यात आले. सदर मिरवणुकीत ठिकठिकाणी मराठा सेवा संघाचे जिल्हाध्यक्ष कैलास पाटील यांनी शेतकरी गीते गायलीत. अर्बन बँक संचालिका वसुंधरा लांडगे यांनी जिजाऊ वंदना म्हटली. मिरवणुकीत बैलगाडीच्या पुढे बँडपथक आणि विविध सामाजिक, राजकीय, पुरोगामी चळवळीमधील पदाधिकारी, कार्यकर्ते व महिला युवक होते.
मिरवणुक वाटेवर चौका चौकात महिलांनी बळीराजाचे व नांगराचे पूजन केले. ईडा पिडा टळो.. बळीचं राज्य येवो ! अशा घोषणांसह विविध शेतकरी गीत गात सदर मिरवणूक निघाली. शिरूड नाका परिसर -वड चौक -वाघ बिल्डिंग -त्रिकोणी बगीचा -पाचपावली देवी मंदिर -बस स्टॅन्ड -विश्रामगृहमार्गे -बळीराजा स्मारक पर्यंत मिरवणूक मार्ग होता. शेकडो कार्यकर्त्यांच्या उपस्थितीत मिरवणूक बळीराजा स्मारक येथे आणून बळीराजाच्या शिल्पास पुष्पहार अर्पण करून मिरवणुकीचा समारोप करण्यात आला. यावेळी प्रा. सुभाष पाटील यांनी शिवकालीन काठीचे कर्तब ताशांच्या गजरात दाखविले.
अर्बन बँकेचे व्हाईस चेअरमन रणजित शिंदे यांनी सूत्रसंचालन व आभार प्रदर्शन केले. याप्रसंगी माजी नगरसेवक विनोद कदम, विक्रांत पाटील, उद्योजक प्रशांत निकम, ज्येष्ठ मार्गदर्शक मनोहर निकम, प्रा. अशोक पवार, मा. उपसभापती धनगर पाटील, ठेकेदार दिलीप पाटील, गावरानी जागल्या सेनेचे प्रमुख विश्वास पाटील, कृ. उ. बा. समिती संचालक समाधान धनगर, नगरसेवक श्याम पाटील, सयाजीराव पाटील, शिवमती वैशाली शेवाळे, प्रा. डॉ. विलास पाटील, अशोक पाटील, उद्योजक दिपक पाटील, रविंद्र पाटील, शरद पाटील, अनिल पाटील, श्रीकांत चिखलोदकर, मा. सरपंच सुरेश पाटील, महेश पाटील, सु. तु. पाटील व पत्रकार बांधव आदी उपस्थित होते. कार्यक्रमाच्या यशस्वीतेसाठी आयोजक जय अंबे मित्र मंडळ व तरुण कुढापा व सप्तशृंगी, शिवकॉलनी मित्रपरिवार सोबत मराठा सेवा संघ , संभाजी बिग्रेड, जिजाऊ ब्रिग्रेडचे कैलास पाटील, दिलीप बाळू पाटील, बाळू पाटील, प्रेमराज पवार, रवि पाटील, सुनिल मराठे, शिवाजी पाटील, नवल पाटील, मधू पाटील, गुलाब पाटील, अमृत पाटील, कुलदिप पाटील, अमोल पाटील, संजय पाटकरी, प्रमोद पाटकरी, संजय पाटील, अनिल शेटे, प्रदिप पाटील, भरत आबा आदींसह कार्यकर्त्यांनी परिश्रम घेतले.
