अमळनेर : येथील ॲड. ललिता पाटील इंटरनॅशनल स्कुलच्या वतीने उत्स्फूर्त भाषण स्पर्धेचे आयोजन करण्यात आले होते. जळगाव जिल्ह्यातील सहा शाळांनी यात सहभाग नोंदविला होता. या स्पर्धेत सहभागी विद्यार्थ्यांना ऐनवेळी दिल्या जाणाऱ्या विषयावर अडीच मिनिटात आपले मत व्यक्त करायच होत. यातुन विद्यार्थ्याची समयसुचकता तसेच बौद्धिक पातळी समजत होती. यावेळी उच्चारण, सादरीकरण, भाषणातील संदेश, हावभाव, विषयाची सुरुवात आणि सांगता यांवरुन विद्यार्थ्यांचे मुल्यमापन करण्यात आले. कार्यक्रमाच्या अध्यक्षस्थानी संस्थेचे सचिव प्रा.श्याम पाटील तर पर्यवेक्षक म्हणून प्रा. लिलाधर पाटील, विनोद जाधव होते. यावेळी प्राचार्य विकास चौधरी, प्रशासन अधिकारी अमोल माळी उपस्थित होते. मान्यवरांच्या हस्ते यश संपादन करणाऱ्या विद्यार्थ्यांना प्रशस्तीपत्र व सन्मानचिन्ह देण्यात आले.
इयत्ता आठवी ते दहावीच्या सहभागी विद्यार्थ्यांतून प्रत्येकी दोन क्रमांक निवडण्यात आले. यात, इयत्ता आठवी मध्ये प्रथम क्रमांक निर्मल इंटरनॅशनल स्कुल, पाचोरा येथील खुशी तेली, द्वितीय क्रमांक ॲड. ललिता पाटील इंटरनॅशनल स्कुल, अमळनेरचा रोनीत जितेंद्र पवार, इयत्ता नववी मध्ये प्रथम क्रमांक ॲड. ललिता पाटील इंटरनॅशनल स्कुल, अमळनेरची वैष्णवी प्रकाश पाटील, द्वितीय क्रमांक चोपडा येथील पंकज ग्लोबल स्कुलची सिया अग्रवाल तर इयत्ता दहावी मध्ये प्रथम क्रमांक निर्मल इंटरनॅशनल स्कुल, पाचोरा येथील हर्षिका पवार, द्वितीय क्रमांक ॲड. ललिता पाटील इंटरनॅशनल स्कुल, अमळनेरचा अथर्व दत्तात्रय जोशी या विद्यार्थ्यांनी यश संपादन केले. स्पर्धेच्या आयोजनासाठी नागराज माळी, एस.जे. पठाण, एम.ए. पठाण, जितेंद्र वाणी, मंगला चौधरी, विक्रम संदानशिव, केदार देशमुख, व्ही.एन. सूर्यवंशी यांनी परिश्रम घेतले. सुत्रसंचालन मेघा पाटील यांनी तर आभार वर्षाली सावंत यांनी मानले.