अमळनेर : शहरात सर्वत्र डासांचे प्रमाण वाढले आहे. याचा विचार करुन नगरपालिकेतर्फे प्रभाग क्र. १४ मध्ये मिनी ट्रँक्टरच्या सहाय्याने परिसरात डास प्रतिबंधक औषध फवारणी करण्यात आली.
सतत झालेल्या पावसाच्या पाण्यामुळे ठिकठिकाणी पाण्याचे डबके झाल्याने डासांचे प्रमाणात वाढ झाली आहे. यामुळे प्रभाग क्र.१४ मधील शिव कॉलनी, ओम शांती नगर, शाहू नगर, सुरभी कॉलनी, गुरुकृपा कॉलनी, अशोकरत्न नगर, मुंदडा नगर, शिव पार्वती कॉलनी, विद्याविहार कॉलनी, सप्तशृंगी कॉलनी, शिरुड नाका, संताजी नगर, इ.ठिकाणी डास प्रतिबंधक औषध फवारणी करण्यात आली. यामुळे डासांचे प्रमाण कमी होण्यास मदत होणार असल्याने प्रभागातील नागरिकांनी समाधान व्यक्त केले. यावेळी रवि पाटील, मुकादम गोपाल गजरे व नगरपरिषदेचे कर्मचारी हजर होते.