कोरोनाचा प्रसार टाळण्यासाठी जनजागृती व रक्तदान करण्याचे केले तरुणांना आवाहन
अमळनेर : येथील राष्ट्रवादी काँग्रेस पक्षाच्या २१ व्या वर्धापन दिनानिमित्त पक्षाच्या वतीने ‘रक्तदान संकल्प’ करून त्याचा शुभारंभ तसेच पक्ष कार्यालयात ध्वजारोहण करण्यात आले. कोरोना प्रादुर्भावाच्या पार्श्वभूमीवर स्वतः आमदार अनिल पाटील यांनी रक्तदान करून कार्यकर्ते व युवकांना प्रोत्साहित केले. राष्ट्रवादी कॉंग्रेस पक्षाच्या युवक कार्यकर्त्यांनी देखील यावेळी रक्तदानाचा संकल्प करून जास्तीत जास्त बाटल्या रक्त संकलित करण्याचा निर्धार व्यक्त केला. कोरोना काळात मृत पावलेल्या नागरिकांना यावेळी श्रध्दांजली वाहण्यात आली. शासकीय व प्रशासकीय सेवेतील कोरोना योद्धांनी बजावलेल्या स्तुत्य कार्याबद्दल पदाधिकाऱ्यांच्या वतीने अभिनंदनचा ठराव मांडण्यात आला. आमदार अनिल पाटील यांच्या शुभहस्ते ध्वजारोहण करण्यात आले. यावेळी त्यांनी उपस्थितांना मार्गदर्शन करून कोरोनाचा प्रसार टाळण्यासाठी सोशल मिडियाच्या माध्यमातून जनजागृती करण्याचे व जास्तीतजास्त तरुणांनी रक्तदान करण्याचे आवाहन केले.
याप्रसंगी जि.प.सदस्या जयश्री अनिल पाटील, जळगाव जिल्हा बँक संचालिका तिलोत्तमाताई पाटील, राष्ट्रवादी ग्रंथालय प्रदेशाध्यक्ष उमेश पाटील, राष्ट्रवादी ग्रंथालय प्रदेश समन्वयक रिता बाविस्कर, महिला प्रदेश सचिव रंजना देशमुख, तालुकाध्यक्ष सचिन पाटील, कार्याध्यक्ष सुरेश पाटील, विधानसभा क्षेत्र प्रमुख भागवत पाटील, शहराध्यक्ष मुक्तार खाटीक, राष्ट्रवादी युवक तालुकाध्यक्ष हर्षल पाटील, राष्ट्रवादी युवक शहराध्यक्ष बाळू पाटील, महिला तालुकाध्यक्षा योजनाताई पाटील, शहराध्यक्षा आशाताई चावरीया, महिला शहर उपाध्यक्षा अलका पवार, प्रदेश प्रतिनिधी शिवाजीराव पाटील (दाजभाऊ), कामगार नेते एल.टी.नाना पाटील, बाजार समिती संचालक विजय पाटील, पंचायत समिती सदस्य प्रविण पाटील, विनोद जाधव, निवृत्ती बागुल, नगरसेवक दिपक पाटील, नगरसेवक विवेक पाटील, जिल्हा उपाध्यक्ष संजय भिला पाटील, युवक राष्ट्रवादी काँग्रेसचे जिल्हा उपाध्यक्ष गौरव पाटील, विनोद कदम, शिंदे सर, राहुल पाटील, भैय्यासाहेब पाटील, पंकज पाटील, माजी शहराध्यक्ष रणजित पाटील, हिंमतराव पाटील, अल्पसंख्याक आघाडीचे आबिद मिस्तरी, रफिक मिस्तरी, मुशीर शेख, रफिक शेख, राष्ट्रवादी विद्यार्थी जिल्हा उपाध्यक्ष भुषण भदाणे, राष्ट्रवादी विद्यार्थी तालुकाध्यक्ष श्रीनाथ पाटील, राष्ट्रवादी विद्यार्थी शहराध्यक्ष सुनिल शिंपी, राष्ट्रवादी सोशल मीडिया प्रमुख राहुल गोत्राळ, राष्ट्रवादी युवक पदाधिकारी सनी गायकवाड, अभिषेक ढमाळ पंकज पाटील, गौरव पाटील, सागर सोनार, वाल्मिक पाटील आदी उपस्थित होते.