अमळनेर : तालुक्यातील शिवक्षेत्र खवशी येथील कै.जगतराव दंगल पाटील यांचे प्रथम पुण्यस्मरण निमित्त दि.२४ जानेवारी ते ३१ जानेवारी २०२१ या काळात संगितमय श्रीमद् भागवत ज्ञानयज्ञ सप्ताह सोहळ्याचे आयोजन करण्यात आले आहे. श्री अनंतराव जगतराव सूर्यवंशी, ह.भ.प. भालचंद्र जगतराव सूर्यवंशी (महाराज) यांनी कार्यक्रमाचे आयोजन केले आहे.
परभणी तालुक्यातील काळबांडे येथील ह.भ.प. माधवजी महाराज भागवत कथेचे प्रवक्ते आहेत. दररोज रात्री ९ ते ११ वेळेत कार्यक्रम होईल. रविवार, दि.३१ जानेवारी २०२१ रोजी सकाळी ९ ते ११ वेळेत वरसाडे येथील ह.भ.प. गोविंदजी महाराज यांचे काल्याचे किर्तन व त्यानंतर महाप्रसादाचा कार्यक्रम होणार आहे. दुपारी दिंडी सोहळा पार पडेल. सर्व भक्तांनी कार्यक्रमाचा लाभ घ्यावा असे आवाहन अरुण दंगल सूर्यवंशी, गुलाब दंगल सूर्यवंशी, चंद्रकांत दंगल सूर्यवंशी, नंदलाल दंगल सूर्यवंशी यांनी केले आहे. कार्यक्रम यशस्वीतेसाठी विठ्ठल मंदिर संस्थान, पंचक्रोशीतील भजनी मंडळे व ग्रामस्थ सहकार्य करीत आहेत.
