धरणगाव : येथील सारजाई दामोदर कुडे व बालकवी ठोंबरे विद्यालयाचे क्रीडा शिक्षक सचिन सूर्यवंशी यांचा जळगाव जिल्हा हॉकी असोसिएशन व गोदावरी फाऊंडेशन, जळगाव तर्फे राष्ट्रीय क्रीडा दिनी ‘जिल्हा क्रीडा पुरस्कार’ देऊन सन्मान करण्यात आला. यावेळी माजी आ.चंद्रकांत सोनवणे, उ.म.वि चे व्यवस्थापन समिती सदस्य तथा माजी महापौर विष्णूभाऊ भंगाळे, उ.म.वि.चे क्रीडा संचालक डॉ.दिनेश पाटील, जिल्हा क्रीडा अधिकारी मिलिंद दिक्षित, गोदावरी फाऊंडेशन च्या संचालिका डाॅ. केतकी पाटील, प्राचार्य पाटील आदी उपस्थित होते. मान्यवरांच्या शुभहस्ते क्रीडा शिक्षक सचिन सूर्यवंशी यांना सन्मानचिन्ह, प्रमाणपत्र, बुके व शाल देऊन सन्मानित करण्यात आले.
श्री सचिन सूर्यवंशी धरणगाव येथील सारजाई दामोदर कुडे व बालकवी ठोंबरे विद्यालयात क्रीडा शिक्षक म्हणून कार्यरत आहेत. क्रीडा क्षेत्रात उल्लेखनीय कार्याबद्दल त्यांना शिक्षक भारती संघटनेतर्फे नुकतेच (दि.२५) ‘गुणवंंत शिक्षक पुरस्कार २०२१’ देऊन सन्मानित करण्यात आले आहे. त्यानंतर पुन्हा राष्ट्रीय क्रीडा दिनी ‘जिल्हा क्रीडा पुरस्कार’ देऊन गौरविण्यात आले आहे. त्यांच्या या कार्याबद्दल संस्थेचे अध्यक्ष हेमलालजी भाटीया, सचिव प्रा. रमेश महाजन, मुख्याध्यापक एस. एस. पाटील, प्राथमिक चे मुख्याध्यापक व्ही. बी. पाटील, शाळेतील सर्व शिक्षक, शिक्षकेतर कर्मचा-यांनी अभिनंदन केले. दिव्यचक्र परिवारातर्फे हार्दिक अभिनंदन !
