अमळनेर : येथील लायन्स क्लब तर्फे ०२ ऑक्टोबर ते ०८ ऑक्टोबर २०२२ दरम्यान सेवा सप्ताह साजरा करण्यात येत असून त्या सप्ताह अंतर्गत आज २ ऑक्टोबर रोजी सायकल रॅली चे आयोजन करण्यात आले. रॅलीच्या माध्यमातून ‘प्रदुषण हटवा, पर्यावरण वाचवा’, ‘शहर प्रदूषण मुक्त करू या.. एक दिवस वाहने टाळू या’ अशाप्रकारचे प्रदूषण मुक्तीचे संदेश देण्यात आले. रॅलीत शंभरहून अधिक सायकलस्वारांनी सहभाग नोंदविला. विविध संदेशाचे फलक सायकली वर लावलेले होते. छत्रपती शिवाजी नाट्यगृहापासून हिरवा झेंडा दाखवून रॅलीची सुरुवात झाली. स्टेशन रोड, सुभाष चौक, तिरंगा चौक, बस स्टॅन्ड, विश्रामगृह, मंगलमूर्ती चौक मार्गाने बजरंग सुपर मार्केट येथे रॅलीचा समारोप झाला. याठिकाणी स्पर्धकांना अल्पोपहाराची व्यवस्था करण्यात आली होती.
यावेळी रॅलीत लायन्स प्रेसिडेंट योगेश मुंदडे, ट्रेझरर अनिल रायसोनी, झोनल चेअरमन निरज अग्रवाल, एमजेएफ विनोद अग्रवाल, प्रोजेक्ट चेअरमन प्रशांत सिंघवी, माजी प्रांतपाल डॉ.रविंद्र कुलकर्णी, डॉ.बाविस्कर दादा, राजेश भाई शाह, प्रदीप अग्रवाल, महेश पवार, अजय हिंदुजा, श्याम गोकलानी, राजू नांडा, सुशील पारख, प्रसन्ना पारख, पिंटू शेठ लुणावत, बाळू कोठारी, डॉ.मिलिंद नवसारीकर, लालू सोनी, प्रीतम मणियार, महेंद्र पाटील, दिलीप गांधी, लिओ चे गौतम मुंदडा, कुशल गोलेछा, रोटरी क्लबचे अविनाश अमृतकार, प्रताप कॉलेजचे सचिन पाटील, गं.स. हायस्कूलचे बी.एस.पाटील, आर.जे.पाटील, एस.पी.वाघ तसेच गं.स.हायस्कूल एनसीसी चे विद्यार्थी सहभागी झाले होते.
