अमळनेर : येथील धनदाई महाविद्यालयाच्या यशवंत सभागृहात दिनांक २९ व ३० एप्रिल २०२३ रोजी मोफत भाषण कला शिकविणाऱ्या वक्तृत्व कला कार्यशाळेचे आयोजन करण्यात आले आहे. वक्तृत्व कार्यशाळा सकाळी १० ते दुपारी ४ या वेळेत यशवंत सभागृहात पार पडेल. कार्यशाळेला प्रमुख मार्गदर्शक म्हणून प्राध्यापक अशोक पवार व प्राध्यापक लिलाधर पाटील मार्गदर्शन करणार आहेत.
या कार्यशाळेत भाषणाची भाषणाची पूर्वतयारी कशी करावी ? भाषणाचे मुद्दे कसे काढावेत ? सादरीकरणावेळी काय काळजी घ्यावी ? स्टेजवरची भीती कशी घालवावी ? आत्मविश्वासाने कसे बोलावे ? वक्तृत्व कला कशी विकसित करावी ? आदी विषयावर मार्गदर्शन करण्यात येईल. नावनोंदणी केलेल्या मोजक्या उमेदवारांना कार्यशाळेत प्रवेश दिला जाणार आहे. नाव नोंदणीची अंतिम मुदत २५ एप्रिल असून युवा कल्याण प्रतिष्ठानचे अध्यक्ष प्राध्यापक अशोक पवार यांचेशी भ्रमणध्वनी क्र. ९४२२२७८२५६ वर अथवा प्रत्यक्ष संपर्क साधावा असे आवाहन आयोजकांतर्फे करण्यात आले आहे.