नवलनगर : येथील ग्राम विकास मंडळ संचलित क्रांतीवीर नवलभाऊ कला महाविद्यालयात क्रीडा विभाग व राष्ट्रीय सेवा योजना विभागाच्या वतीने नुकताच दिनांक ६ जून रोजी शिवराज्याभिषेक दिन कार्यक्रम साजरा करण्यात आला. कार्यक्रमाचे प्रमुख अतिथी सोनगीर महाविद्यालयाचे प्रा.डॉ.डी.आर.पाटील यांचे हस्ते छत्रपती शिवाजी महाराजांच्या प्रतिमेचे पूजन करण्यात आले. यानंतर प्रा.डॉ.डी.आर.पाटील यांनी उपस्थितांना ‘स्वराज्याची स्थापना व छत्रपती शिवाजी महाराजांची स्वराज्य स्थापनेमागची भूमिका’ याविषयी मोलाचे मार्गदर्शन केले. या कार्यक्रमास रा.से.यो.कार्यक्रम अधिकारी डॉ.के.डी.बागुल, शारिरीक शिक्षण संचालक प्रा.विजय शिंदे, प्रा.शिवाजी सूर्यवंशी, ग्रंथपाल प्रा. सुजाता निकम, संभाजी पाटील, योगेंद्र राजपूत, राहुल बाविस्कर, रोहिदास पाटील, रवींद्र धनगर, संजय पवार, प्रा.प्रमोद पाटील आणि विद्यार्थी स्वयंसेवक आदी मोठ्या संख्येने उपस्थित होते.
