गुरुवारी ‘यमुनाई प्रतिष्ठान’ आयोजित स्पर्धेतील विजेत्यांना पारितोषिक वितरण व सन्मान सोहळा

NEET परिक्षेत विशेष प्राविण्य मिळविलेल्या विद्यार्थ्यांचाही होणार सन्मान

अमळनेर : यमुनाई प्रतिष्ठान तर्फे घेण्यात आलेल्या तालुकास्तरीय ‘निबंध लेखनातून सुंदर हस्ताक्षर स्पर्धा’ तील विजेते व सहभागी स्पर्धकांचा पारितोषिक वितरण व सन्मान सोहळा गुरुवार, दिनांक १३ जुलै २०२३ रोजी सकाळी ९.३० वाजता धनदाई  महाविद्यालयाच्या यशवंत सभागृहात आयोजिलेला आहे. अमळनेर तालुक्यातील खौशी बुll विविध कार्यकारी सहकारी सेवा सोसायटी च्या माजी संचालिका कै. यमुनाबाई उत्तम सूर्यवंशी यांचे प्रथम स्मृतिदिनानिमित्त ही स्पर्धा घेण्यात आली होती.

कार्यक्रमास अध्यक्ष म्हणून युवा कल्याण प्रतिष्ठानचे अध्यक्ष प्रा. अशोक पवार असणार आहेत. प्रमुख पाहुणे म्हणून श्री मंगळग्रह सेवा संस्थानचे अध्यक्ष श्री डिगंबर महाले, धनदाई एज्युकेशन सोसायटी चे अध्यक्ष श्री डी. डी. पाटील, ग्रुप ग्रामपंचायत खौशी बुll. च्या सरपंच सौ. जयश्रीताई देशमुख, स्पर्धा परिक्षक श्री सोपान भवरे असतील. मान्यवरांच्या शुभहस्ते सर्व सहभागी स्पर्धकांना सहभागाचे प्रमाणपत्र व विजेत्यांचा आकर्षक स्मृतिचिन्ह व प्रमाणपत्र देऊन सन्मान करण्यात येणार आहे. यावेळी  NEET  परिक्षेत विशेष प्राविण्य मिळविलेल्या विद्यार्थ्यांना देखील सन्मानित करण्यात येणार आहे. कार्यक्रमास विद्यार्थी व पालकांनी दिलेल्या वेळेत उपस्थित राहून उपकृत करावे असे यमुनाई प्रतिष्ठान चे संस्थापक अध्यक्ष संजय सूर्यवंशी यांनी कळविले आहे.