अमळनेर : मराठी रंगभूमी दिनाचे औचित्य साधून महाराष्ट्र साहित्य परिषद पुणे, अमळनेर शाखेच्या वतीने आज रविवार रोजी येथील छत्रपती शिवाजी महाराज नाट्यगृहात विनायक होगाडे लिखित ‘डियर तुकोबा’ या पुस्तकाचा अभिवाचन कार्यक्रम होणार आहे. सायंकाळी ५.३० वाजता कार्यक्रम वेळेवर सुरु होणार असून प्रेक्षकांना कार्यक्रम संपल्यावर रंगमंचावर नटराज पूजनाची संधी दिली जाणार आहे. शहरात प्रथमच असा आगळावेगळा कार्यक्रम रसिक प्रेक्षकांसाठी आयोजित करण्यात आला आहे. यात, वाचक स्वर भाऊसाहेब देशमुख, मेघा पाटील, सुनंदा पवार, योगिता साळुंखे, संदीप घोरपडे यांचे राहणार आहे. बासरी वादक म्हणून योगेश पाटील यांची साथ संगत राहणार आहे. तालुक्यातील सर्व रसिकांनी कार्यक्रमास उपस्थित राहावे असे आवाहन भाऊसाहेब देशमुख व संदीप घोरपडे यांनी केले आहे.