अमळनेर : तालुक्यातील निंभोरा येथील डॉ. श्यामाप्रसाद मुखर्जी शिक्षण संस्थेच्या नानासाहेब उत्तमराव पाटील प्राथमिक आश्रम शाळेतील इयत्ता ६ वी चा विद्यार्थी चि. आदित्य तानाजी ताकमारे राज्यस्तरीय कुस्ती स्पर्धेत प्रथम क्रमांक मिळवून सुवर्णपदकाचा मानकरी ठरला. जिल्हा क्रीडा संकुल परभणी येथे पार पडलेल्या राज्यस्तरीय कुस्ती स्पर्धेत त्याने यश संपादन केले आहे. राज्यस्तरीय कुस्ती स्पर्धेत ३५ किलो वयोगटात प्रथम क्रमांकाने यश मिळवून नॅशनल स्पर्धेसाठी त्याची निवड झाली आहे. त्याला संस्थेचे मुख्याध्यापक प्रदीप शांताराम सोनवणे सोबत शिक्षक आणि शिक्षकेत्तर कर्मचारी यांचे मागर्दशन व सहकार्य लाभले. या निवडी बद्दल त्याचे सर्वत्र कौतुक होत आहे. दिव्यचक्र परिवारातर्फे अभिनंदन..!