अमळनेर : तालुक्याचे माजी आमदार अमृतराव वामनराव पाटील (आप्पा) यांचे आज ता.३ जानेवारी रोजी रात्री आठ वाजता वृध्दापकाळाने निधन झाले. मृत्यूसमयी ते ९० वर्षांचे होते. राष्ट्रीय काँग्रेस पक्षाचे आमदार म्हणून सन १९८५ -९० काळात माजी आमदार गुलाबराव पाटील यांचे विरोधात ५५०४ मतांनी आघाडी घेत ते विजयी झाले होते. या काळात त्यांनी आपल्या राजकीय कारकीर्दीची धुरा यशस्वीपणे सांभाळली. सामान्य माणसाला जवळ करण्याची हातोटी त्यांचेकडे होती. त्यांची अंत्ययात्रा उद्या ता.४ रोजी दुपारी ३ वाजता त्यांच्या राहत्या घरापासून ढेकु खुर्द येथून निघणार आहे. अमळनेर तालुक्याचे सेवानिवृत्त आरोग्य अधिकारी डॉ. किरण पाटील यांचे ते वडील होत.